ليه بتعيش الفرح الغايب

روّق بالك ليه تحتار
ليه تتغيّر كده ف الحال
شوف ضحكتنا أحلى نهار
وآدي صحّتنا عال العال

مرَّه حاولنا وسألناه
خد على خاطره وقال لنا آه
ليه الشكوى يا صاحبي وليه
ليه ما نقولش يا دنيا الله
مهما حكاية حزن غريبه
إحنا الفرحه قصادنا قريبه
هي الدنيا ساعات وساعات
وبتغيّر حال عن حال
روّق بالك ليه تحتار

ليه بتفكّر إنّك صح
ليه بتحب تكون الغالب
ليه بتعيش ف هموم الجرح
ليه بتعيش الفرح الغايب
مهما حكاية حزن طويله
إحنا الفرصه قصادنا قليله
آدي الدنيا كتير مرّات
بتقرّبنا ساعات وساعات
روّق بالك ليه تحتار

ليه بنقول دي حياتنا وبس
أحلى ما فيها هو الأمس
كل كلامنا ليه بالهمس
ليه بنرصّ الحزن ده رَص
آدي الشوق مشاويره كتيره
حتوصّلنا بخطوه قصيره
هي الدنيا تحبّ ساعات
تلعب بينا ساعات وساعات
روّق بالك ليه تحتار

وأتاريها وسية

يافرحتى البكريه وماكانش يومك

ليه موتتى ؟ ليه بتفرفرى من بين إيديا؟

ورجعنا تانى يادنيا نمضغ همومك آه ياحنا يامقاتيل ومالناش ديّه

الفقر كافر!أيوه والظلم كافرطاغوته فارد على البيوت طيلسانه

لحدّ إمتى ياليل هنفضل نعافر؟ والحقّ سافر ..بس مقطوع لسانه

ورجعنا تانى نعانى نفس الأسيّه هيّاها , مافرقتش فى أى حاجه

وكأنى باهرب من وسيّه لوسيّه بس الخواجه هنا ماهوّاش خواجه

نفس الوسيّه فى كلّ حتّه ورانا مطرح مانهرب نلقى نفس العتامه ممرمَرانا,

برجلها مجرجَرانا وكأن ده المكتوب ليوم القيامه

أة يا ضماير معيوبة وناس سافيهة يا دنيا مقلوبة عاليها فى واطيها
بقى يسرقونا ويتهمونا أحنا فيها وغافيرها حراميها
وكبيرها خاطيها الأغراب بياكلوا لحمنا ويحرمونا

وبيشربوا من عرقنا ودمانا نهوى بكرباك

يهوى بيقومونا وأزاى نقوم بأيدنا مكومانا .........

جينا الحياة زىّ الندى أبرياء لارضعنا كدب ولا اتفطمنا برياء

طب ليه رمانا السيف على الزيف؟

وكيف نواجهه غير بالصدق والكبرياءعيش يابن آدم بِكْر .. زىّ الشجرموت وإنت واقف زيّه, مطرحك ولاتنحنى لمخلوق, بشر أو حجر وشِدّ فوق مهما الزمان جرّحك......

ياقوّة الله حِلّى فى عروقى حِلّى خلّينى أتبّت فيكى وأثبت محلّى وحِلّى عنّى يارعشة الرعب حِلّى لأجل إنى أصدّ الظالم إذا جِه و حلِّى.........

الوعد والمكتوب .. نلقى بلد محبوب .. نرتاح ونرمى الحمل

يا مراكب النسيان عدي في بحري اليوم لا كنت يوم ندمان ولا عمري كنت َبلوم لكني قلبي كتوم بضحك مع الأيام بضحك ولو أوهام