أحتفظى بالحلم دة

انتى قاعدة لية وحيدة؟
عشان أنا وحيدة وعرفت منين انى وحيدة ؟
دة شيىء مش محتاج لذكاء
وأنت لية هنا؟
انا غريب عن هنا
ممكن أقعد؟
أتفضل وأنت أسمك أية وجاى منين؟
انا جاى من بلاد بعيدة سياحة
بس فى أماكن أجمل من هنا كتير للسياحة
السياحة الحقيقية مع البشر مش بس فى الاماكن
انت رجل سياحة فليسوف
ووحيد زيك بس مافيش فى حياتى مكان للحزن
انت مستحيل
زمن المستحيل أنتهى
لو ماعندكيش مانع تتعشى مع غريب زى ووحيد زيك بشرط تنسية بكرة الصبح؟
كنت هطلب منك أنك تمشى بس دلوقتى محتاجالك قوى
انتى تعرفى حاجة عن الف ليلة وليلة أنا متهيألى ان كاتبها كتبها عشان يسهر الناس ويفضل يحكيلهم لحد الصبح مايطلع وأدى الصبح طلع
ولازم أمشى
مش هتدينى عنوانك أو رقم تليفونك؟
لا هديكى عنوانى ولا هاخد عنوانك بس صدقينى الليلة دى هيفضل ليها مكانة خاصة فى حياتى خلى الذكريات زى ماهى وحاولى دايما أنك تحتفظى بحلم جميل
أنت مش معقول
قولتلك زمن المستحيل أنتهى ممكن تعتبرى دى بداية جديدة لحلم جديد ممكن تحتفظى بالحلم دة والليلة دى هتسعدك على مرارة الحياة والوحدة وزى ما أتفقنا ومن غير ماتبوصى وراكى أحتفظى بالحلم دة.............