دنيا عجيبه
النهاردة الصبح حصلى حاجة غريبة
معرفش ان كنت بحلم ولا طيبة
رن تليفوني بدري قولت استر متكنش مصيبة
لقيت صوت فاكره من سنين بعيدة
قولت الدنيا بترجع ليا بضهرها والله عجيبة
المهم سمعت الكلام ومردتش بحتي كلمة وحيدة
وعرفت منها الميعاد وقومت لبست هدوم جديدة
ونزلت ركبت عربيتي وبسرعة روحت لمسافة بعيدة
مكان ما كنا بنتقابل في احدي المدن الجديدة
روحت لقيتها واقفة من بعيد وبتتسارع جوايا كل تنهيدة
مش عارف انا جيت في ميعادي ولا اتأخرت حتي دقيقة
طب حتي لما شوفها هقول اية كلامي كله راح يادي الخيبة
وكل شوية اقرب منها خايف اشم برفانها واحس انها مني قريبة
لميت نفسي وروحتلها قولت كفاية تأخير دا حتي عيبة
قربت منها وكانت مدياني ضهرها ونفس ملامح الجسم مش غريبة
قولتلها كلمة واحدة..... اتأخرت ؟؟
بصتلي وقالتلي اتأخرت كتير بقالك ايام وسنين كتيرة
قولتلها امال انتي مين؟ردت: انا اخت اللي كانت في يوم عندك حبيبة
قولت امال هي فين: قـــــالت سابتلك ورقة والبسمة علي شفايفها وكانت سعيدة
فتحت الورقة بسرعة لقيت مكتوب فيهاهفضل احبك رغم ان الموت خلاني بعيدة
ماتت الحبيبة
مرسلة بواسطة halim @ 2:04 ص
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية