واقع نعيش فيه

بنلف ف دواير ، والدنيا تلف بينا ..ودايماً ننتهى .. لمطرح ما ابتدينا ..طيور الفجر تايهة .. ف عتمة المدينة ..بتدور !ما مبنكتبش الرسايل .. ما بننتظرش غد ..لا حد ف يوم سمعنا ، ولابنسمع حد ..طيور العمر تايهة .. ف عتمة المدينة ..بتدور !

ساكنين ف عالم يعشق الخطر ..فيه الطيور تهرب من الشجر ..وتهرب النجوم من القمر ..وتهرب الوجوه من الصور ..بنلف ف دواير .. ندور ع الآمان ..ونلاقينا رجعنا تانى لنفس المكان !!ندور .. ندور .. ندور !

نحلم ، ونحلم .. بالحياة المفرحة ..وأتارى أحلامنا بلا أجنحة !!بلا أجنحة !!ندور .. ندور .. ندور ، بجناح حزين مكسور ..ساعات نشوف ف العتمة ، وساعات نتوه ف النور ..ساعات عيونا بالآسى تفرح ، وساعات ف ساعة الفرح منوحة !!!!!!!!!!

تصـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــور

هى دموع ولا أكتر .. هو فراق ولا أكتر ..لو على سبب البعد حبيبى .. قلبى كبير ومقدر ..كل ما بنقيد شمعة .. الدنيا بتطفيها ..كل ما نمسح دمعة .. تيجى دموع بعديها ..كل ما نزرع بسمة ف عيون مش مبتسمة .

تيجى تاخدها القسمة ، وتجيب حزن .. تصور.

رغم ده كله سكتنا والأحزان هدتنا ..وكمان هدت بيتنا .. قبل ما يعلى ويكبر.