صائد الخواطر

الجمعة، 26 نوفمبر 2010

كنت عبيط


زمان انا كنت عبيط عندي شوية شخابيط ...راسم حلمي ف كراسة و طيارة ملهاش خيط
بجري ويا احلامي نفسي اسبق ايامي بَعِد نجوم السما وخيالي ماشي قدامى زمان انا كنت عبيط
كان عندي لعب كراكيب ولبس مالي الدواليب كنت البس جزمة ابوياواقوله سيب وانا سيب
واتزحلق فوق مشاية اجَري مامتي ورايا واتخفى تحت سريري واَخُد نضارتي معايا
زمان انا كنت عبيط كان فعيوني امنية واضحة مش مخفية كان نفسي اطلع ظابط
واقبض ع الحرامية او حتى اكون قاضي بيعرضو عليا قواضي
ومخَلي شِطاني محتارقاعد دايما فاضي
او اكون فاهم متعَلِم صورتي حلوة وبتكرم من واحد اسمه وزير
ماسك ايدي وبيسلم وانا حر وكلمتي حرة طارد خوفي على برة
مِسَلم قلبي لربي وكلمتي مسموعة
من فترة زمان انا كنت عبيط
انا كنت اسمع ف النشرة ان مقامنا بحشرة ف سبيل قعدة كرسي
لواحد..مُحتَل النشرة انا كنت اسمع كلماته احلف بحياته
واقول دي كدبة وفشرة مانا برضه زي ولاده اكيد كنت عبيط
معرفش ان ابويا فقير بيشقى ويتعب كتيرعايش على باب الله
زى قرايبنا كتير ماشي جنب الحيط مغمض عيونه ابويا اللي كان عبيط
سايبهم سايقينه وانا..هخلف ظن وعمري ما هبقى عبيط
زمان انا كنت عبيط::::::::::::::::::::
لسان عايز قطعه (اعذروني..لسة بكون ف حروفي..ونفسي اتغلب على خوفي)
كلماتي:مصطفي التلواني

0 تعليقات:

إرسال تعليق

الاشتراك في تعليقات الرسالة [Atom]

<< الصفحة الرئيسية

Free Hit Counter
Security Envelopes
لندن نيويورك طوكيو القاهرة