اسمعنى ..

صدّقنى ..

أيام الدنيا أحلى من أحلام الأغانى

فيها الشارع وبيتنا والحب الأولانى

وفيها اتربّى قلبى فى حضن الناس حبايبى

اسمعنى ..

حلوه الأحلام حقيقى معلش ياحبيبى لكن مابين طريقى وبينها بر تانى

وبحور هايجه وغريقه وأنا مانيش جريئه

والسكّه مخوّفانى

افهمنى .

.امبارح كنت جنبى فى الغنوايه الجميله قلبك بستان وقلبى عصفور ساكن خميله

وصحيت على الحقيقه بعد الغنوه الرقيقه لقيتنى بعيده عنّك

والغربه مسهّرانى

كلّمنى .

.إيه رأيك ياحبيبى؟

وللا إنت مش معايا ؟الحلم بدايته رحله ..

لكن إيه النهايه؟....... صدّقنى الدنيا أجمل من حلم يموت ويدبل وحتّى يوم مايصدق ..يصدُق مع حدّ تانى.
صعبة الذكرى حقيقى ولا انت مش معايا
بس أبامها أحلا يا ذكرى عودى تانى بحلاوتك وبجمالك وايام كانت وزالت
بين أهلى وبين صحابى ومكان كان مكانى
مش عايز الفراق مش عايز الحنين
خدو منى ذكرياتى رجعولى تانى السنين

أد أية يا ذكره مرة بتخدينى للحظة حلوة
للحظة بين حابيبى للحظة من مكانى
وأمشى مهما أمشى ومهما الأيام بتمشى
عمرى ماهنسى لحظة فاتت منى حلوة
مش عايزك تانى يا بكرة مانت بتحملى لحظة
جايز تكون جميلة وتعدى وتاخدها تانى
وتفوتلى تانى ذكره

ماتخدنيش معاك يا بكرة على مينا من الموانى
وتفتكر بكدة تراضينى
مهى كل مينا حلوة ولكل مينا ناسها
وترجع تاخدها منى وترجع تاخدنى تانى
وأرجع معايا ذكره